Robin Thicke (feat.Nicki Minaj)-Back Together (video-teaser)

Robin Thicke

Siç ju kemi njoftuar edhe më parë, Robin Thicke dhe Nicki Minaj, kanë prezantuar bashkëpunimin e emërtuar Back Together. Ky është singli i dytë i shkëputur nga albumi i tetë i Thicke, i cili pritet të lansohet gjatë këtij viti. Kënga, një ‘teaser’ për videon e të cilës mund ta shikoni duke klikuar këtu, është shkruar nga Max Martin, Savan Kotecha dhe Ali Payami.

https://instagram.com/explore/tags/BackTogetherVideo/

Pink sjell albumin e shtatë këtë vit

Pink

Studio-albumi i shtatë ende i paemërtuar i këngëtares Pink, është në përfundim e sipër dhe pritet të lansohet këtë vit. Ky album vjen pas atij të vitit 2014, The Truth About Love. Për albumin e ri, ajo ka bashkëpunuar me Greg Kurstin. Si pjesë të albumit, këto janë këngët e konfirmuara deri më tani:
Casualty|Alecia Moore, Greg Kurstin & Sia Furler
Exit Strategy|Alecia Moore & Daniel Wilson
Today’s the Day|Alecia Moore & Greg Kurstin
Stage Diver/I. Everitt & S. Everitt
We Could Have It All|Alecia Moore, Beck Hansen & Greg Kurstin
Where We Go/Alecia Moore & Greg Kurstin.
Kënga Today’s the Day është konfirmuar të jetë melodia kryesore e sezonit të 13-të të The Ellen Show.

Një ‘solo-album’ i Kurt Cobain lansohet në nëntor

Curt Cobain

Një ‘solo-album’ i të ndjerit Curt Cobain, pritet të lansohet këtë nëntor, si shoqërues i dokumentarit Montage of Heck. Përmbledhja shërben si kolona zanore e filmit dhe përfshin muzikë të padëgjuar deri më tani nga frontmeni i Nirvana. Duke klikuar këtu, mund të dëgjoni një ‘’pjesëz’ të një kënge të padëgjuar deri më tani.

http://bcove.me/2joszlw8

Shaggy (feat.Pitbull & Gene Noble)-Only Love

Shaggt

Pa dyshim, ky vit shënon rilindjen e tij! Artisti amerikan, Shaggy, është kthyer në maje të top-listave muzikore me Habibi (I Need Your Love), një bashkëpunim me Mohombi, Faydee dhe Costi. Me Costi-n, ai ka bashkëpunuar sërish-për Only Love. Kësaj radhe, singli i ri përfshin bashkëpunimin me reperin amerikan, Pitbull, dhe artistin njujorkez, Gene Noble. Kjo është hera e tretë që Shaggy bashkëpunon me Pitbull-in – herën e parë në këngën Fired Up (viti 2011) dhe Piensas (së fundmi). Only Love do të lansohet si shkëputja e dytë nga studio-albumi i 13-të i Shaggy-t, i cili pritet të dalë këtë vit.

Hurts sjellin singlin e ri-Lights

Hurts

Hurts kanë një single të ri brilant të emërtuar Lights. Kënga është nxjerrë nga albumi Surrender. Dyshja, Theo Hutchcraft dhe Adam Anderson, ka bashkëpunuar kësaj radhe me producentin, Ariel Rechtshaid, i cili është i njohur për punën e tij të mëhershme me shumë artistë, në mesin e të cilëve janë edhe: Madonna, Haim dhe Sky Ferreira. “Ne, në të vërtetë, nuk e fshehim faktin se e duam Prince-n dhe muzikën e tij soul,” ka thënë Theo. “Nëse je një bend i muzikës indie, në parim- je i limituar, në një farë mënyre, çfarë lloji të muzikës të bësh. Për ne, pasi nuk jemi të lidhur me asnjë instrument në veçanti, mund të bëjmë çfarë të duam,” ka shtuar Adam. Lights vjen pas Some Kind of Heaven dhe Rolling Stone, ndërsa studio-albumi i tretë i Hurts, Surrender, pritet të plasohet në treg më 9 tetor (vjen pas albumit të vitit 2013, Exile).

Giorgio Moroder me dy singla të rinj

Giorgio Moroder

Producenti legjendar, Giorgio Moroder, është shumë i zënë kohëve të fundit! Përveç tjerave, ai është duke përgatitur singlin e ri, pas lansimeve me Minogue (Right Here, Right Now) dhe Sia. Ai ka pasur bashkëpunime të shumta, edhe me: Charli XCX, Mikky Ekko, Matthew Koma apo Kelis. Ndërsa këngëtarja Britney Spears është përzgjedhur për të incizuar Tom’s Diner, një ri-punim i hitit klasik të viteve ’80-të nga Suzanne Vega. Sipas vetë Moroder, ky është bashkëpunimi më i mirë ndonjëherë. Në një intervistë dhënë së fundmi, Moroder ka deklaruar se planifikon të lansojë dy singla këtë vit – një në shtator, e tjetrin në dhjetor – duke shtuar se ende nuk e di se cilat këngë do të jenë. Një gjë dihet sigurt, Tom’s Diner është një hit.